Сургалт хөгжил
Сургалт хөгжлийн систем — ур чадварын хөгжлийг хэмжинэ
Nege OS-ийн сургалт хөгжлийн модуль «хэдэн сургалт зохион байгуулсан бэ» гэдгээс илүү «ямар ур чадвар бодитоор хөгжсөн бэ» гэдгийг харуулна. Ажлын байрны шаардлага, ажилтны үнэлгээ, сургалтын төлөвлөгөө, хувь хүний хөгжлийн төлөвлөгөө нэг гинжээр холбогдоно.
Үндсэн боломжууд
Сургалтын сан
Дотоод болон гадны сургалтуудыг төрөл, үргэлжлэх хугацаа, хамрах ур чадвар, зорилтот түвшинтэй нь нэг санд бүртгэнэ. Шинэ төлөвлөгөө гаргахдаа сангаас сонгох тул ижил сургалтыг дахин дахин бүртгэх шаардлагагүй.
Сургалтын төлөвлөгөө ба ирц
Сургалтын төлөвлөгөөг улирлаар гаргаж, оролцогчдыг бүх ажилтан, зэрэглэл, хэлтэс эсвэл нэр заан сонгоно. Зарласан сургалт бүрт хичээлийн өдөр, оролцогчийн ирцийг бүртгэж, дууссаны дараа сэтгэл ханамжийн судалгаа автоматаар үүснэ.
Ур чадварын сан ба матриц
Байгууллагын ур чадварыг нэг санд нэгтгэж, түвшин бүрийн тодорхойлолтыг тохируулна. Ажлын байр бүрт шаардагдах ур чадвар, түвшинг матрицаар харж, аль албан тушаалд ямар ур чадвар давхцаж байгааг тодорхойлно.
Ур чадварын үнэлгээ ба зөрүү
Ажилтныг өөрөө болон удирдлага нь үнэлж, ажлын байрны шаардлагатай харьцуулан ур чадварын зөрүүг тооцно. Ажилтан бүрийн ур чадварын профайлыг шаардлагатай, одоогийн, зорилтот түвшингээр нь харуулна.
Хувь хүний хөгжлийн төлөвлөгөө
Ажилтны карьерын зорилго, хөгжүүлэх ур чадварыг зөрүүнээс нь санал болгон хувь хүний хөгжлийн төлөвлөгөө гаргана. Төлөвлөгөөг шууд удирдлага батлах ба зорилго бүрийн ахиц үнэлгээгээр шинэчлэгдэнэ.
Хөгжлийн үйл ажиллагаа ба баталгаажуулалт
Сургалт, семинар, коучинг, менторшип, ажлын байр сэлгэлт, төсөлд оролцуулах, бие даан суралцах гэсэн төрлөөр хөгжлийн үйл ажиллагааг бүртгэнэ. Дууссан үйл ажиллагааг удирдлага баталгаажуулж, ажигласан түвшингээ үнэлгээнд тусгана.
Удирдлагын «Миний баг» харагдац ба хяналтын самбар
Удирдлага шууд харьяа ажилтнуудынхаа ур чадварын зөрүү, хөгжлийн төлөвлөгөөний ахиц, батлах хүлээгдэж буй зүйлсийг нэг дор харна. Хяналтын самбар хэлтэс ба ур чадвараар зөрүүг дулааны зургаар харуулж, зөрүү хаагдаж буй эсэхийг хугацаагаар хянана.
AI хөгжлийн зөвлөмж
AI ажилтны ур чадварын зөрүү, хөгжлийн зорилгод тулгуурлан байгууллагад байгаа сургалт, ментор, төсөл зэргээс тохирохыг сонгож тайлбарлана. Зөвлөмжийг хүн хянаж, хүссэнээ л хөгжлийн төлөвлөгөөнд нэмнэ.
Хэрхэн ажилладаг вэ
- 1
Ур чадвар, шаардлагаа тодорхойлно
Ур чадварын сангаа үүсгэж, ажлын байр бүрт шаардагдах ур чадвар, түвшинг тохируулна.
- 2
Үнэлж, зөрүүгээ харна
Ажилтан өөрийгөө, удирдлага ажилтнаа үнэлэхэд систем шаардлагатай түвшинтэй харьцуулж зөрүүг тооцно.
- 3
Төлөвлөж, хөгжлийг хэмжинэ
Зөрүүнд тулгуурлан сургалтын төлөвлөгөө, хувь хүний хөгжлийн төлөвлөгөө гаргаж, дууссан үйл ажиллагаа бүрийн дараа ур чадварын ахицыг хэмжинэ.
Хэнд тохирох вэ
- Сургалтын зардлаа ур чадварын бодит хөгжилтэй холбож харуулах шаардлагатай хүний нөөцийн алба
- Багийнхаа хөгжлийг төлөвлөж, ахицыг тогтмол хянахыг хүсдэг удирдлага
- Ажлын байр бүрийн ур чадварын шаардлагыг тодорхой болгож, нөөц бүрдүүлэхийг зорьж буй байгууллага
- Өөрийн ур чадвар, хөгжлийн төлөвлөгөөгөө гар утаснаас харж, ахицаа тэмдэглэх ажилтан
Асуулт хариулт
Түгээмэл асуулт
Ур чадварын зөрүүг хэрхэн тооцдог вэ?
Ажлын байранд тохируулсан шаардлагатай түвшнээс ажилтны хамгийн сүүлийн үнэлгээний түвшинг хасч зөрүүг тооцно. Үнэлгээ өөрөө, удирдлага болон дууссан сургалтаас бүртгэгдэнэ.
Хувь хүний хөгжлийн төлөвлөгөөг хэн батлах вэ?
Ажилтан эсвэл хүний нөөцийн ажилтан төлөвлөгөө үүсгэж батлуулахаар илгээнэ. Шууд удирдлага нь батлах эсвэл тайлбартайгаар буцаана. Шууд удирдлагыг байгууллагын бүтцээс автоматаар тодорхойлно.
Ажилтан гар утаснаас юу харах вэ?
Ажилтан Nege аппын «Миний хөгжил» хэсгээс ур чадварынхаа профайл, хөгжлийн төлөвлөгөө, хөгжлийн үйл ажиллагаагаа харж, үйл ажиллагаагаа эхлүүлэх, дуусгах, өөрийн ахицыг тэмдэглэх боломжтой.
AI зөвлөмж ажилтны хувийн мэдээллийг ашигладаг уу?
AI-д зөвхөн албан тушаал, хэлтэс, ур чадвар, зөрүүний мэдээлэл дамжина; ажилтны нэр, утас, регистр, цалин зэрэг мэдээлэл орохгүй. AI зөвхөн байгууллагад байгаа сонголтуудаас санал болгоно.
Сургалтын ирц, үнэлгээг хэрхэн бүртгэх вэ?
Зарласан сургалтын хичээл бүрт оролцогчийн ирц, хоцорсон, чөлөөтэйг тэмдэглэнэ. Сургалт дуусахад оролцогчдод зориулсан сэтгэл ханамжийн судалгаа автоматаар үүснэ.
Холбогдох модулууд
Бүх ажиллагаа.
Нэг систем.
14 хоног бүх модуль нээлттэй. Карт шаардахгүй, дурын үед цуцлана.